Sunday, October 4, 2026
Breaking:

iDonkey nguRhulumente

Author Image Masixole Maswana 2 months

Amakhaya amaninzi angathathi ntweni kweli lomzantsi Afrika afuye idonkey eziluncedo kakhulu ukungenisa imali ethi ibanceda ekuphileni.

iDonkey nguRhulumente kuba azidingi nto ingako kubafuyi bazo kodwa ziza nengeniso egxotha ikati eziko kumakhaya amaninzi.

Oluhlobo lwemfuyo alufani lugulele ukudinga amachiza athengwayo, ngesinye sezilwanyane esikwazi ukuziphilisa ngaphandle koncedwa ngumfuyi.

Imizi emininzi  iphila ngokuthi iqeshise amandla edonkey zayo, ngokutsala imithwalo enzima kwindawo ezinendlela ezimbi apho, tractor nezinye intlobo zezithuthi zingenofikelela khona.

Kwezinye indawo zizo ezincedisana nokuhambisa abantu, zithuthela abantu, amanzi kunye nenkuni kutsho kubekho amagoqo emizini.

Esisilwanyana sidelelekile kubafuyi abangayiboniyo lendima inkulu kangaka siyidlalayo, ngaphandle nje kwamandla aso zinintsi ezinye inzuzo kuzo ezingekaqatshelwa.

Esikhumbeni seDonkey kukho into ekhamekayo kuso eyinzuzo enkulu kwezimpilo kulamazwe aseChina.

Ngokwezempilo inyama yedonkey ngeyona isempilweni ukogqitha ezinye intlobo zenyama ebomvu ezikhoyo.

Ubisi lweDonkey lunento ezinintsi ezinolenza ezifana nokwenza lamabisi omgubo akhoyo oncancisa abantwana, inzululwazi zithi eledonkey ubisi ngelona lingazinabungozi ekukhuleni kwabantwana.

Zinoqatshelwa ezinzuzo lubanzi, namakhaya ahlupheka kakhulu afuye idonkey kungavela lubanzi ukuba idonkey ngoyena rhulumente.

Masixole Maswana

Masixole Maswana is a Production Scientist and registered Professional Natural Scientist (Pri.Nat.Sci.) and Associate Extension Technologist (Assoc.Ext.Tech.) with extensive experience in animal production, breeding, and genetics. He is also a qualified training facilitator and assessor, committed to developing skills and capacity within the agricultural sector. Masixole is currently pursuing a PhD in Animal Breeding and Genetics at the University of South Africa (UNISA). He holds a Master of Science in Agriculture (Animal Breeding and Genetics) from the University of Limpopo and a Bachelor of Science in Agriculture (Animal Production) from the University of Fort Hare. Passionate about livestock improvement, sustainable agricultural development, and knowledge sharing, Maswana combines scientific expertise with practical industry experience to contribute to the advancement of animal production and genetic improvement in South Africa.